Plantun de Prouvènço

Pèr coumpara dos planto d'encò nostre

Carex curvula subsp. rosae & Dianthus godronianus

Queirello(-enarcado)

Carex curvula subsp. rosae

Cyperaceae

Àutri noum : Queirello(-dóu-mount-Rose), Moutouso, Sagneto.

Nom en français : Laîche du mont Rose.

Descripcioun :
La queirello-enarcado trachis en mato dins li pelouso di cresten venta d'auto mountagno. Se recounèis subretout à si fueio primo (1 mm), plegado, enarcado e dessecado au bout. L'enflourejado èi courteto, de 1 à 2,5 cm, caupant 3 à 6 espigo sarrado dis escaume bruno, pounchudo e membranouso sus li bord (fotò). La subsp. presentado eici, Rosae vèn sus cauquié ; se recounèis peréu à si fueio mens sarrado e mens enarcado que sa cousino, Carex curvula subsp. curvula que se vèi sus siliço.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 40 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 1 à 2,5 cm
Flourido : Estiéu

Sòu : Ca
Autour basso e auto : 2000 à 2800 m
Aparado : Noun
JUliet à avoust

Liò : Pelouso - Cresten
Estànci : Subaupen à Aupen
Couroulougi : Ouroufito-Sud-Ouèst-Éuroupenco
Ref. sc. : Carex curvula subsp. rosae (L.) Gilomen, 1937

Giróuflado-bastado

Dianthus godronianus

Caryophyllaceae

Àutri noum : Giróuflado-sóuvajo, Garouflet, Jóuriflado, Gidouflado, Jouniflado.

Noms en français : Oeillet à tiges longues, Oeillet virginal.

Descripcioun :
Aquesto giróuflado-bastardo fai partido dóu group Dianthus caryophyllus s.l., coume si cousino Dianthus saxicola e Dianthus longicaulis. Se destrìo de la proumiero qu'a un "epicalice" de mai de dos bratèio e de la segoundo que si petalo soun mens longo que 30 mm. Trachis dins li tepiero roucaiouso de Prouvènço.

Usanço :
Dins d'ùni relarg s'utiliso contro lou tussi e faire susa. Lis estùdi d'aro mostron de prouprieta contro li virus.

Port : Erbo
Taio : 15 à 80 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Dianthus
Famiho : Caryophyllaceae

Ordre : Caryophyllales

Coulour de la flour : Roso
Petalo : 5
Ø (o loungour) flour : 14 à 18 mm
Flourido : Printèms - Estiéu

Sòu : Ca (Si)
Autour basso e auto : Pancaro entresigna
Aparado : Noun
Jun à avoust

Liò : Tepiero roucaiouso - Tepiero seco - Roucas
Estànci : Mesoumediterran à Mountagnard
Couroulougi : Éurimediterrano
Ref. sc. : Dianthus godronianus Jord., 1855 (= Dianthus virgineus sensu Godr., 1847 non L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Carex curvula subsp. rosae & Dianthus godronianus

ges

Coumpara Queirello(-enarcado) emé uno autro planto

Coumpara Giróuflado-bastado emé uno autro planto